Miratimi i ligjit Nr.7943, datë 01.6.1995 Pensionet Suplementare dhe Institutet Private të Pensioneve (dhe ndryshimet e bëra me ligjin Nr. 8393, datë 2.09.1998”), si dhe plotësimi i infrastrukturës institucionale e kuadrit rregullator, kanë krijuar mundësinë e licensimit të instituteve private të pensioneve suplementare, duke hedhur bazat për një alternativë të re, e cila do të veprojë paralel me skemën aktuale shtetërore të sigurimeve shoqërore. Kjo bën të mundur që çdo individ të investojë në mënyrë të sigurtë duke krijuar një bazë të qëndrueshme ekonomike për periudhën e pensionit.

Nisur nga situata aktuale e gjendjes së pensioneve në vendin tonë, problemet me të cilat përballen kontribuesit (fuqia aktive e punës), përfituesit realë dhe ata potencialë të skemës së pensioneve të sigurimeve shoqërore në vendin tonë kërkojnë një zgjidhje të sigurtë dhe afatgjatë, të cilën e ofron. Në ekonominë shqiptare në zhvillim dhe tranzicion, plotëson jo vetëm atë pjesë të munguar të skemës tradicionale të sigurimeve shoqërore, por është një hap më shumë në formalizimin e strukturave financiare të vendit tonë, pasi fondet e pensioneve, japin një kontribut të rëndësishëm në zhvillimet ekonomike të vendit.

Instituti Amerikan i Pensioneve Private Suplementare të Shqipërisë është shoqëri aksionere me aksioner mazhoritar Fondin Shqiptaro-Amerikan të Ndërmarrjeve si dhe pjese nga biznesi vendas. Ky institut ka si objekt të tij suportimin financiar të individëve në format e pensionit të pleqërisë, pensionit të vjetërsisë në punë, si dhe të pensionit familjar. Kjo mbështetje realizohet mbi bazën e kontributeve që individi drejtëpërsëdrejti ose së bashku me punëdhënësin e tij do të derdhë pranë A.P.F.A. Bazuar në masën e kontributit, afatit kohor të pjesëmarrjes në skemën e pensionit suplementar, të planit të pensionit të zgjedhur dhe të rendimentit të investimit të fondeve, A.P.F.A përcakton masën e përfitimit që aderuesit do të marrin në formën e pensionit.

Te vetedijshëm se alternativa që i ofrojmë tregut shqiptar është krejtësisht e re, në përzgjedhjen e planeve të pensioneve suplementare janë marrë parasysh hapësirat ligjore dhe përvojat më rezultative të vendeve të zhvilluara, ku aplikimi i skemave të tilla të pensioneve ka qënë efikas dhe ka dhënë rezultatet e duhura.

Ju falenderoj edhe një herë për interesin tuaj,

E-mail: akraja@afa.com.al