APFAështë një institut privat pensionesh
suplementare i HAPUR në të cilin mund të aderojnë dhe sigurohen:
Punëdhënës
Punëmarrës
Të vetëpunësuar
Emigrantë
Të tjerë
Kontratat që mund të lidhen me APFA-në janë aderimi dhe sigurimi.
Kontratat e aderimit lidhen në rastin kur punëdhënësi juaj merr përsipër
që të paguajë kontribute ne favorin tuaj. Në këtë rast APFA do të nënshkruajë
një kontratë aderimi me punëdhënësin tuaj dhe më pas një nënkontratë me
ju ku do të përcaktohen kushtet e sigurimit për pension suplementar.
Kontributin e caktuar në kontratë si dhe shumën e kontributeve të
tjera që ju doni të derdhni për të rritur fondin tuaj të pensionit
suplementar, ju mund t'i derdhni nëpërmjet punëdhënësit tuaj ose në të
gjitha sportelet e bankave.
Pavarësisht nëse ështe lidhur një kontratë aderimi apo kontratë
sigurimi individuale, APFA do të hapë një llogari për secilin prej jush
dhe ju mund të merrni sipas dëshirës, në çdo kohë informacion për
gjëndjen e llogarisë tuaj.
Instituti Amerikan i Pensioneve Private Suplementare të
Shqipërisë (A.P.F.A.), funksionon si shoqëri anonime,me aksionerë:
Fondin Shqiptar- Amerikantë Ndërmarrjeve.
Edil al Group.
Klientëve të
APFA-së iu jepet mundësia që të kontrollojnë në çdo moment shumën e
kontributeve të derdhura për pension dhe përfitimin që sigurohet nga
investimi i tyre, nëpërmjet internetit tek linku "Llogaria Ime".
Ky Institut ka si objekt
të veprimtarisë së tij mbështetjen financiare të individëve në format
e pensionit të pleqërisë, pensionit të parakohshëm, si dhe të
pensionit familjar. Kjo mbështetje realizohet nëpërmjet investimit të
kontributeve që individi drejtëpërsëdrejti ose së bashku me
punëdhënësin e tij, derdhin pranë A.P.F.A.
Bazuar në masën e kontributit, afatit kohor të pjesëmarrjes në skemën
e pensionit suplementar, të planit të pensionit të përzgjedhur dhe të
rendimentit të investimit të fondeve, A.P.F.A. përcakton masën e
përfitimit që aderuesit do të marrin në formën e pensionit.
Larmia e
shërbimeve që A.P.F.A u ofron të siguruarve është dizenjuar në mënyrë
të tillë që të garantojë transparencën në lidhje me strategjinë e
investimeve.
Vizioni i APFA përfshin në vetvete një shtrirje në rajonin e Ballkanit dhe sidomos në Greqi dhe Itali ku numri i
bashkëatdhetarëve tanë është mjaft i lartë.
Pozicioni i liderit në tregun e pensioneve
suplementare, është si rezultat i shfrytëzimittë të gjitha burimeve që ne kemi në
dispozicion. Identifikimi i emrit të A.P.F.A. në lidhje me pensionet private
suplementare, ndërgjegjësimi i publikut me këtë lloj tregu dhe
shërbimet që ofrohen, është arritur nëpërmjet një fushate strategjike
marketingu dhe investimi të studjuar mirë.
